Իտալական IVV ընկերությունը- Industria Vetraria Valdamese – հիմնադրվել է 1952թ. Տոսկանայում փորձառու ապակի փչող (Mouth blown glass) վարպետների կողմից: Յուրաքանչյուր վարպետ ստացել է անհատական ուսում և հրաշալի կրթություն,  ինչը ժամանակի ընթացքում վերածվել է արտադրական գործընթացի, սակայն այնուամենայնիվ չի վերացել գործի հիմնական նպատակը՝ ստեղծել  սեղանի  հարդարանքի բարձրորակ գլուխգործոցներ: Շատ կարճ ժամանակի ընթացքում ընկերությունը դարձավ շատ հայտնի ամբողջ աշխարհում և ճանաչվեց որպես Եվրոպայի ապակյա ձեռքի աշխատանքների առաջատար արտադրող: Մշտական գործող արտադրությունը իրենից ներկայացնում է անցյալի և ապագայի համակցություն: Բոլոր գլուխգործոցները ձեռքի աշխատանքներ են, այդ պատճառով նույնական չեն, դրանք բոլորը առանձնահատուկ են և անկրկնելի:  Այդ պատճառով  IVV ընկերության արտադրանքը միշտ ճանաչելի է: IVV ընկերությունը ապահովում է ապրանքատեսակի բարձր որակ՝ շեշտը դնելով օգտագործվող ապակու թափանցելիության և կարծրության վրա: Ընկերության փիլիսոփայությունը հատուկ ուշադրություն է հատկացնում շրջակա միջավայրի աղտոտման հարցին: Վարպետը կյանք է հաղորդում իր յուրաքանչյուր ստեղծագործությանը, փոխանցում նրան իր տրամադրությունը, սերը և արդյունքում ապակին կյանք է ստանում նրա ձեռքերում: Այդ պատճառով գրեթե հնարավոր չէ ստանալ երկու նույնանման իր… Վարպետները չեն հարթեցնում եզրերը և անհարթությունները, թողնում են ֆակտուրաների բոլոր նրբությունները: Այդ մանր տարբերությունները միշտ չէ որ հնարավոր է նկատել, բայց դրա շնորհիվ ստացվում է լույսի և գույնի անկրկնելի խաղ, ինչով և գրավում են հավաքածուները: Նաև IVV ընկերությունը Ձեր ուշադրության է ներկայացնում  մի շարք թեմատիկ մատուցման ափսեներ, որոնք կարելի է օգտագործել ծովամթերքների և պանրի մատուցման համար:  Շնորհիվ շատ էքսկլյուզիվ ապակե ծաղկամանների, մրգամանների, մատուցման ափսեների և տարբեր այլ աքսեսուարների  լայն տեսականու  կարելի է հրաշալի ձևով արդիականացնել սեղանի ավանդական ձևավորումը՝ հաղորդելով  յուրահատուկ հմայք և ինքնատիպություն:

1987 թվականին Պորտուգալիայի սրտում հիմնադրված Porcel S.A-ն նուրբ ճենապակյա սպասք արտադրող ապրանքանիշ է: Պորտուգալիայի սրտում գտնվող Porcel-ը համատեղում է ձեռագործ ավանդույթն ու տեխնոլոգիական նորարարությունը յուրաքանչյուր կտորի պատրաստման մեջ ՝ արդյունքում բարձրորակ, ստեղծագործական և էլեգանտ ճենապակյա արտադրանք ստանալու համար: Porcel-ի համար նյութերի ընտրությունը շատ կարևոր է, և յուրաքանչյուր ապրանք նախագծված, ձևավորված և ձուլված է խիստ ճշգրտության չափանիշներին համապատասխան: Ապրանքների լայն տեսականի առաջարկելով և ներդրումներ կատարելով նոր մոդելների, նոր հավաքածուների և անհատական ​​լուծումների հետազոտման և զարգացման մեջ, Porcel-ը ջանքեր չի խնայում  հետևելու վերջին միտումներին և շուկայի պահանջներին՝ ամեն տարի ներկայացնելով նոր հավաքածուներ համապատասխան միջազգային միջոցառումներին:

ՈՒնենալով ավելի քան 100 տարվա պատմություն՝ Herdmar ապրանքանիշը հանդիսանում է աշխարհում սեղանի դանակների ամենամեծ արտադրողներից մեկը։ Herdmar-ը ձևավորել է հստակ փիլիսոփայություն, որի նպատակն է դանակ-պատառաքաղի կտորները ներկայացնել , որպես սեղանի նորաձեւության իրեր: Ընկերության արտադրանքը ներկայացված է շուրջ 72 երկրներում ։ Արտադրական գործընթացը ծավալվում է Caldas das Taipas- ում, (Guimaraes՝Պորտուգալիայի հյուսիս), որտեղ այժմ Մարկեսի ընտանիքի երրորդ սերունդն է ղեկավարման ղեկին `տեր կանգնելով տարածաշրջանում այս ավանդական բիզնեսի գերազանցությանը, ստեղծագործականությանը և նորարարությանը: Ունենալով ավելի քան 100,000  արտադրական առավելագույն հզորություն 1 օրում և ավելի քան 130 աշխատակիցներից բաղկացած թիմ ՝ Herdmar -ը պարտավորվում է ապահովել արժեքների շարունակականությունը, որոնք ընկերությանը հաջողություն են բերել իրենց արդեն երկար կյանքի պատմության ընթացքում:

1824թ. հիմնադրված Վիստա Ալեգրի (Vista Alegre) գործարանը առաջին արդյունաբերական ընկերությունն էր Պորտուգալիայում, որը զբաղվում էր ճենապակու արտադրությամբ: Ընկերության հիմնադիրն էր հայտնի ձեռնարկատեր Հոսե Ֆերեյրո Պինտո Բաստոն: Գործարանը սկսեց արտադրել ապակյա սպասք, խեցեղեն, ռելիեֆային զարդերով իրեր, փորագրված նախշերով և ձևավոր մեդալիոններով: Իր երկարամյա պատմության ընթացքում Vista Alegre բրենդը միշտ սերտորեն կապված է եղել պորտուգալական պատմության և մշակույթի հետ և նվաճել է ճանաչում և դարձել հայտնի: Ընդունելով հիմնական արժեքների որակի առումով թելադրվող խստությունը, նրբագեղությունը և ունիվերսալությունը՝ Vista Alegre-ն կարողացավ ներդաշնակորեն համադրել ավանդականը և ժանամակակիցը՝ համահունչ մնալով մշակութային արդիական միտումներին: Տարածելով պորտուգալական արվեստը ամբողջ աշխարհով մեկ, Vista Alegre ապրանքանիշը արտացոլում է ամենավերջին միտումները դիզայնի ոլորտում: Vista Alegre արտադրությունը համապատասխանում է որակի և ֆունկցիոնալության ամենաբարձր ստանդարտներին: Vista Alegre-ն հանդիսանում է աշխարհի ամենակարևոր անձանց սպասքի մատակարար, ներառյալ Եղիսաբեթ II թագուհուն, Իսպանիայի թագավոր Հուան Կարլոսին և Նիդերլանդների թագուհի Բեատրիքսին, ինչպես նաև ԱՄՆ Սպիտակ տան, Բրազիլիայի և Պորտուգալիայի նախագահական տների, անթիվ դեսպանատների և ինչպես պետական, այնպես էլ մասնավոր հիմնարկությունների ամբողջ աշխարհով: Vista Alegre-ն՝ համադրելով վաղ մշակության ավանդույթները և ժամանակակից արժեքները, արտադրում է տարբեր հավաքածուներ՝ համագործակցելով այնպիսի հայտնի միջազգային դիզայներների հետ, ինչպես Քրիստիան Լաքրուան (Christian Lacroix), Քարստեն Գոլնիկը (Carsten Gollnick), Սեմ Բարոնը (Sam Baron), Կարմ Ռաշիդը (Karim Rashid), Ջոանա Վասքոնսելոսը (Joana Vasconcelos), Ռոբերտո Չիչորրոն (Roberto Chichorro) և այլոք:

Rafael Bordallo Pinheiro (1846-1905) հանդիսանում է XIXդ. պորտուգալական մշակույթի  ամենաազդեցիկ մարդկանցից մեկը: Շնորհիվ բարձր հումորի զգացման և իրերի ներքին աշխարհն ընկալելու ունակության, նա կարողացել է խեցեգործության  մեջ արտահայտել իր անծայրածիր իմաստությունը և աշխարհի իմացությունը: Դեռ վաղ տարիքից Rafael Bordallo Pinheiro հետաքրքրվում էր արվեստով: Ունենալով երգիծանքի յուրահատուկ զգացում՝ նա  երգիծական հոդված ներ էր տպագրում այս ժամանակվա թերթերում և ամսագրերում: Արհեստագործական հմտությունները և գեղարվեստական ընկալումը թույլ տվեցին նրան արտացոլել  այդ երգիծական կերպարները խեցեգործական իր ստեղծագործություններում: Այդ պատճառով  Rafael Bordallo Pinheiro անունը ընդմիշտ կապված է ծաղրանկարի հետ գեղարվեստական խեցեգործության մեջ, ինչը մատնացույց է անում  այն մանր տարրերի կարևորությունը, որոնք մենք հաճախ չենք նկատում, և որոնք հայտնի ժամանակակից նկարիչների կարծիքով, կարող է արտահայտել իր աշխատանքում միայն հանճարը: Խեցեգործական իրերի արտադրությունը Կալդաշ-դա-Ռաինյա քաղաքի հաղճապակու ֆաբրիկայում (Fábrica de Faianças) Rafael-ը սկսել է 1884թ. Այստեղ ստեղծվել են անկրկնելի որկաի և գեղարվեստական արժեքի հարյուրավոր  խեցեգործական ստեղծագործություններ: Որպես հիմք ընդունվում էին խեցեգործական իրերի արտադրության տեղական ավանդույթները և հին վարպետների նմուշները, որոնք փոխանցում էին իրենց գիտելիքները օգնականներին և աշակերտներին: Աշխատելով մանուֆակտուրայում՝  Rafael Bordallo Pinheiro հարստացրերց ոչ միայն իր գեղարվեստական և ստեղծագործական ունակությունները, այլ նաև զարգացրեց իր տեխնիկական պոտենցիալը:  Նա հայտնի դարձավ իր հանրահայտ կերպարներով.  Zé Povinho (աղքատ և տանջված մարդիկ կյանքի տարբեր իրադարձություններում)՝  հինվանդ Մարիան, դայակը Կալդաշից, ոստիկանը, ծխող հոգևորականը և այլն:  Նրա աշխատանքներն արժանացել են ոսկյա մեդալների  մի շարք միջազգային ցուցահանդեսներին՝ մադրիդում, Անտվերպենում, Փարիզում, ԱՄՆ-ում, Սենթ Լուիսում:  Rafael Bordallo Pinheiro ժառանգությունը շատ ոգեշնչող է ժամանակակից ստեղծագործողների համար: Նրա աշխատանքները կարող են հենակետ հանդիսանալ  իրենց գաղափարները խեցեգործության միջոցով արտահայտելու համար, ինչպես դա հաջողվել է իր դարաշրջանի մեծ նկարիչ  - Rafael Bordallo Pinheiro-ին:

BELO INOX-ը  պորտուգալական ընկերություն է՝ հիմնադրված ավելի քան 60 տարի առաջ և մասնագիտացած չժանգոտվող պողպատից ճաշասպասքի (Դանակ, պատառաքաղի) արտադրության վրա: Ֆաբրիկան տեղակայված է Caldas das Taipas շրջանում, որտեղ այդպիսի իրերի արտադրությունը կրում է պատմական բնույթ, և զբաղեցնում  ահռելի մեծ՝ մոտ 4000 քմ տարածք և արտադրության մեջ ներգրավված են 53 բարձր որակավորում ունեցող 53 մասնագետ: Ֆաբրիկան հպարտանում է իր հսկա տեսականիով, որի մեջ առկա են ինչպես դասական, այնպես էլ ամենաավանգարդային հավաքածուները: BELO INOX-ն առաջարկում է իր բազմազան կատարմամբ ճաշասպասք՝ լրիվ կամ մասնակի ոսկեզօծ, տիտանային փոծեպատմամբ, փայլուն, փորագրմամբ կամ առանց: Ամբողջ ճաշասպասքը՝ սկսած օրիգինալ դիզայնի մշակումից, լրիվ ծավալով արտադրվում է ֆաբրիկայում: Հաճախ նոր գաղափարները ծնվում են ամենաականավոր պորտուգալացի և եվրոպական դիզայներների հետ համատեղ աշխատանքի արդյունքում: Ֆաբրիկան զինված է ամենաարդիական տեխնիկայով և արտադրության համար օգտագործվում է որակի հավաստագրեր ունեցող միայն ամենաբարձրորակ եվրոպական հումքը: Այս ամենը դարձնում է BELO INOX-ի արտադրանքը ունիկալ՝ գնի և որակի իդեալական համադրմամբ: BELO INOX արտահանում է իր արտադրանքը շուրջ 32 երկիր ր շարունակում է գտնել նորանոր շուկաներ ամբող աշխարհով մեկ: