Seletti-ն իտալական դիզայներական բրենդ է, որը հիմնադրվել է 1964 թվականին և հայտնի է իր նորարարական ու յուրահատուկ արտադրանքով։ Հիմնադրման առաջին օրից ի վեր ընկերությունը հետևում է պրոֆեսիոնալիզմի, որակի և նորարարության իր սկզբունքներին՝ մշտապես ձգտելով կատարելագործվել։
Բրենդի նպատակն է համատեղել արվեստն ու ամենօրյա առարկաները՝ ստեղծելով ֆունկցիոնալ, բայց միևնույն ժամանակ արտիստիկ դեկորներ։
Seletti-ն առանձնանում է իր ստեղծարար մոտեցմամբ, համարձակ գույներով և անսովոր դիզայնով։ Բրենդի ամենահայտնի հավաքածուներից են՝
1. Mouse Lamps - մկների տեսքով յուրահատուկ լամպեր, որոնք դարձան բրենդի այցեքարտը։
2. Hybrid Collection - սպասքի շարք, որտեղ տարբեր մշակույթների ոճեր են միահյուսված։
3. Monkey Lamps - կապիկների տեսքով դեկորատիվ լամպեր, որոնք ստեղծում են խաղային մթնոլորտ։
4. Furniture and Lighting - դիզայներական կահույք և լուսավորության միջոցներ՝ չկրկնվող դիզայնով։
Seletti-ն համագործակցում է տարբեր նկարիչների և դիզայներների հետ՝ առաջարկելով յուրօրինակ արտադրանքներ։ Այն լայն տարածում ունի ամբողջ աշխարհում և համարվում է դիզայնի ոլորտի առաջատար բրենդերից մեկը։
Jonathan Adler-համաշխարհային բրենդը արդեն ներկայացված է Violet խանութ-սրահում:
Ջոնաթան Ադլերը՝ կերամիկ դիզայներ, հեղինակ և ստեղծագործող, հիմնել է իր բրենդը 1993 թվականին՝ իր առաջին սերը՝ կավագործությունը, մասնագիտություն դարձնելով:
Jonathan Adler ապրանքանիշը ԱՄՆ-ի (Միացյալ Նահանգներ) արտադրանք է։ Դիզայներ Ջոնաթան Ադլերն հիմնել է իր բրենդը Նյու Յորքում։ Նա ճանաչված է իր բարձրորակ, ժամանակակից դիզայնով և յուրօրինակ ձեռագործ արտադրանքով, որն արտադրվում է հիմնականում ԱՄՆ-ում, բայց նաև որոշ ապրանքներ կարող են պատրաստվել այլ երկրներում՝ կախված նյութերի և արտադրական գործընթացների անհրաժեշտությունից։
Նրա ստեղծագործությունները գրավեցին Barneys-ին, իսկ հինգ տարի անց Սոհոյում բացվեց Jonathan Adler-ի առաջին խանութը:
Այսօր բրենդը ներկայացված է ամբողջ աշխարհում՝ խանութ-սրահներով, առցանց հարթակներով և շքեղ նախագծերով:
Jonathan Adler-ի ապրանքատեսականին ներառում է կահույք, դեկորատիվ աքսեսուարներ և արվեստի գործեր, որոնք յուրաքանչյուր սենյակ վերածում են յուրահատուկ և գունեղ տարածքի:
Jonathan Adler-ի ծաղկամաններն ու դեկորները տարբերվում են իրենց յուրօրինակ դիզայնով՝ հաճախ օգտագործելով գունավոր կերամիկա և չկորցնելով դասական ոճը։ Դրանք կատարյալ են ժամանակակից ինտերիերներում:
Այս ապրանքները չափազանց պահանջարկ ունեն, քանի որ բարձրորակ են, ձեռագործ պատրաստված և վառ գույներով։
Բրենդի նպատակը՝ ստեղծել շքեղ և հարմարավետ ինտերիերներ:
Իտալական IVV ընկերությունը- Industria Vetraria Valdamese – հիմնադրվել է 1952թ. Տոսկանայում փորձառու ապակի փչող (Mouth blown glass) վարպետների կողմից: Յուրաքանչյուր վարպետ ստացել է անհատական ուսում և հրաշալի կրթություն, ինչը ժամանակի ընթացքում վերածվել է արտադրական գործընթացի, սակայն այնուամենայնիվ չի վերացել գործի հիմնական նպատակը՝ ստեղծել սեղանի հարդարանքի բարձրորակ գլուխգործոցներ: Շատ կարճ ժամանակի ընթացքում ընկերությունը դարձավ շատ հայտնի ամբողջ աշխարհում և ճանաչվեց որպես Եվրոպայի ապակյա ձեռքի աշխատանքների առաջատար արտադրող: Մշտական գործող արտադրությունը իրենից ներկայացնում է անցյալի և ապագայի համակցություն: Բոլոր գլուխգործոցները ձեռքի աշխատանքներ են, այդ պատճառով նույնական չեն, դրանք բոլորը առանձնահատուկ են և անկրկնելի: Այդ պատճառով IVV ընկերության արտադրանքը միշտ ճանաչելի է: IVV ընկերությունը ապահովում է ապրանքատեսակի բարձր որակ՝ շեշտը դնելով օգտագործվող ապակու թափանցելիության և կարծրության վրա: Ընկերության փիլիսոփայությունը հատուկ ուշադրություն է հատկացնում շրջակա միջավայրի աղտոտման հարցին:
Վարպետը կյանք է հաղորդում իր յուրաքանչյուր ստեղծագործությանը, փոխանցում նրան իր տրամադրությունը, սերը և արդյունքում ապակին կյանք է ստանում նրա ձեռքերում: Այդ պատճառով գրեթե հնարավոր չէ ստանալ երկու նույնանման իր…
Վարպետները չեն հարթեցնում եզրերը և անհարթությունները, թողնում են ֆակտուրաների բոլոր նրբությունները: Այդ մանր տարբերությունները միշտ չէ որ հնարավոր է նկատել, բայց դրա շնորհիվ ստացվում է լույսի և գույնի անկրկնելի խաղ, ինչով և գրավում են հավաքածուները:
Նաև IVV ընկերությունը Ձեր ուշադրության է ներկայացնում մի շարք թեմատիկ մատուցման ափսեներ, որոնք կարելի է օգտագործել ծովամթերքների և պանրի մատուցման համար: Շնորհիվ շատ էքսկլյուզիվ ապակե ծաղկամանների, մրգամանների, մատուցման ափսեների և տարբեր այլ աքսեսուարների լայն տեսականու կարելի է հրաշալի ձևով արդիականացնել սեղանի ավանդական ձևավորումը՝ հաղորդելով յուրահատուկ հմայք և ինքնատիպություն:
Իր երկարամյա պատմության ընթացքում Vista Alegre բրենդը միշտ սերտորեն կապված է եղել պորտուգալական պատմության և մշակույթի հետ՝ մեծ ճանաչում նվաճելով ամբողջ աշխարհում:
1824թ. հիմնադրված Վիստա Ալեգրի (Vista Alegre) գործարանը առաջին արդյունաբերական ընկերությունն էր Պորտուգալիայում, որը զբաղվում էր ճենապակու արտադրությամբ:
Ընկերության հիմնադիրն էր հայտնի ձեռնարկատեր Հոսե Ֆերեյրո Պինտո Բաստոն: Գործարանը սկսեց արտադրել ապակյա սպասք, խեցեղեն, ռելիեֆային ձևավորմամբ իրեր՝ փորագրված նախշերով և ձևավոր մեդալիոններով:
Ընդունելով որակի առումով թելադրվող խստությունը, նրբագեղությունը և ունիվերսալությունը՝ Vista Alegre-ն կարողացավ ներդաշնակորեն համադրել ավանդականը և ժանամակակիցը:
Տարածելով պորտուգալական արվեստը ամբողջ աշխարհով մեկ, Vista Alegre ապրանքանիշը արտացոլում է ամենավերջին միտումները դիզայնի ոլորտում: Իրենց արտադրությունը համապատասխանում է որակի և ֆունկցիոնալության ամենաբարձր ստանդարտներին:
Եվ պատահական չէ, որ այն հանդիսանում է աշխարհի ամենակարևոր անձանց և հաստատությունների սպասքի մատակարար, ներառյալ Եղիսաբեթ II թագուհին, Իսպանիայի թագավոր Հուան Կարլոսը և Նիդերլանդների թագուհի Բեատրիքսը, ինչպես նաև ԱՄՆ Սպիտակ տունը, Բրազիլիայի և Պորտուգալիայի նախագահական տները, անթիվ դեսպանատներ և ինչպես պետական, այնպես էլ մասնավոր հիմնարկություններ ամբողջ աշխարհով:
Vista Alegre-ն համադրելով վաղ մշակության ավանդույթները և ժամանակակից միտումները՝ արտադրում է տարբեր հավաքածուներ՝ համագործակցելով այնպիսի հայտնի միջազգային դիզայներների հետ, ինչպես Քրիստիան Լաքրուան (Christian Lacroix), Քարստեն Գոլնիկը (Carsten Gollnick), Սեմ Բարոնը (Sam Baron), Կարմ Ռաշիդը (Karim Rashid), Ջոանա Վասքոնսելոսը (Joana Vasconcelos), Ռոբերտո Չիչորրոն (Roberto Chichorro) և այլոք:
1987 թվականին Պորտուգալիայի սրտում հիմնադրված Porcel S.A-ն նուրբ ճենապակյա սպասք արտադրող ապրանքանիշ է:
Պորտուգալիայի սրտում գտնվող Porcel-ը համատեղում է ձեռագործ ավանդույթն ու տեխնոլոգիական նորարարությունը յուրաքանչյուր կտորի պատրաստման մեջ ՝ արդյունքում բարձրորակ, ստեղծագործական և էլեգանտ ճենապակյա արտադրանք ստանալու համար:
Porcel-ի համար նյութերի ընտրությունը շատ կարևոր է, և յուրաքանչյուր ապրանք նախագծված, ձևավորված և ձուլված է խիստ ճշգրտության չափանիշներին համապատասխան:
Ապրանքների լայն տեսականի առաջարկելով և ներդրումներ կատարելով նոր մոդելների, նոր հավաքածուների և անհատական լուծումների հետազոտման և զարգացման մեջ, Porcel-ը ջանքեր չի խնայում հետևելու վերջին միտումներին և շուկայի պահանջներին՝ ամեն տարի ներկայացնելով նոր հավաքածուներ համապատասխան միջազգային միջոցառումներին:
Ունենալով ավելի քան 100 տարվա պատմություն՝ Herdmar ապրանքանիշը հանդիսանում է ճաշասպասքի ամենամեծ արտադրողներից մեկն աշխարհում։
Herdmar-ը ձևավորել է հստակ փիլիսոփայություն, որի նպատակն է դանակ-պատառաքաղները ներկայացնել որպես սեղանի նորաձևության կարևոր մաս:
Ընկերության արտադրանքը ներկայացված է շուրջ 72 երկրներում։ Արտադրական գործընթացը ծավալվում է Պորտուգալիայի հյուսիսում, որտեղ այժմ Մարկեսի ընտանիքի երրորդ սերունդն է ղեկավարում և վերահսկում է տարածաշրջանում այս ավանդական բիզնեսի զարգացմանը:
Ունենալով ավելի քան 100.000 արտադրական հզորություն 1 օրում և ավելի քան 130 աշխատակիցներից բաղկացած թիմ ՝ Herdmar-ը պարտավորվում է ապահովել արժեքների պահպանումը, որոնք ընկերությանը հաջողություն են բերել իրենց արդեն երկար տարիների պատմության ընթացքում: