Jonathan Adler-համաշխարհային բրենդը արդեն ներկայացված է Violet խանութ-սրահում: Ջոնաթան Ադլերը՝ կերամիկ դիզայներ, հեղինակ և ստեղծագործող, հիմնել է իր բրենդը 1993 թվականին՝ իր առաջին սերը՝ կավագործությունը, մասնագիտություն դարձնելով: Jonathan Adler ապրանքանիշը ԱՄՆ-ի (Միացյալ Նահանգներ) արտադրանք է։ Դիզայներ Ջոնաթան Ադլերն հիմնել է իր բրենդը Նյու Յորքում։ Նա ճանաչված է իր բարձրորակ, ժամանակակից դիզայնով և յուրօրինակ ձեռագործ արտադրանքով, որն արտադրվում է հիմնականում ԱՄՆ-ում, բայց նաև որոշ ապրանքներ կարող են պատրաստվել այլ երկրներում՝ կախված նյութերի և արտադրական գործընթացների անհրաժեշտությունից։ Նրա ստեղծագործությունները գրավեցին Barneys-ին, իսկ հինգ տարի անց Սոհոյում բացվեց Jonathan Adler-ի առաջին խանութը: Այսօր բրենդը ներկայացված է ամբողջ աշխարհում՝ խանութ-սրահներով, առցանց հարթակներով և շքեղ նախագծերով: Jonathan Adler-ի ապրանքատեսականին ներառում է կահույք, դեկորատիվ աքսեսուարներ և արվեստի գործեր, որոնք յուրաքանչյուր սենյակ վերածում են յուրահատուկ և գունեղ տարածքի: Jonathan Adler-ի ծաղկամաններն ու դեկորները տարբերվում են իրենց յուրօրինակ դիզայնով՝ հաճախ օգտագործելով գունավոր կերամիկա և չկորցնելով դասական ոճը։ Դրանք կատարյալ են ժամանակակից ինտերիերներում: Այս ապրանքները չափազանց պահանջարկ ունեն, քանի որ բարձրորակ են, ձեռագործ պատրաստված և վառ գույներով։ Բրենդի նպատակը՝ ստեղծել շքեղ և հարմարավետ ինտերիերներ:

Seletti-ն իտալական դիզայներական բրենդ է, որը հիմնադրվել է 1964 թվականին և հայտնի է իր նորարարական ու յուրահատուկ արտադրանքով։ Հիմնադրման առաջին օրից ի վեր ընկերությունը հետևում է պրոֆեսիոնալիզմի, որակի և նորարարության իր սկզբունքներին՝ մշտապես ձգտելով կատարելագործվել։ Բրենդի նպատակն է համատեղել արվեստն ու ամենօրյա առարկաները՝ ստեղծելով ֆունկցիոնալ, բայց միևնույն ժամանակ արտիստիկ դեկորներ։ Seletti-ն առանձնանում է իր ստեղծարար մոտեցմամբ, համարձակ գույներով և անսովոր դիզայնով։ Բրենդի ամենահայտնի հավաքածուներից են՝ 1. Mouse Lamps - մկների տեսքով յուրահատուկ լամպեր, որոնք դարձան բրենդի այցեքարտը։ 2. Hybrid Collection - սպասքի շարք, որտեղ տարբեր մշակույթների ոճեր են միահյուսված։ 3. Monkey Lamps - կապիկների տեսքով դեկորատիվ լամպեր, որոնք ստեղծում են խաղային մթնոլորտ։ 4. Furniture and Lighting - դիզայներական կահույք և լուսավորության միջոցներ՝ չկրկնվող դիզայնով։ Seletti-ն համագործակցում է տարբեր նկարիչների և դիզայներների հետ՝ առաջարկելով յուրօրինակ արտադրանքներ։ Այն լայն տարածում ունի ամբողջ աշխարհում և համարվում է դիզայնի ոլորտի առաջատար բրենդերից մեկը։

ASA SELECTION-ը հիմնադրվել է 1976 թվականին Գերմանիայում, դիզայներ Իվոն Շուբկեգելի կողմից՝ որպես տան կերամիկական պարագաներ արտադրող ընկերություն և այժմ հանդիսանում է ոլորտի առաջատարներից մեկը: Իր նորարարությունների միջոցով ընկերությունը գրավում է ամբողջ աշխարհը և այսօր ներկայացված է ավելի քան 80 երկրներում, որոնցից մի քանիսում ունի իր սեփական վաճառքի գրասենյակները: Հիմնադրի հաջողության բանալին հենց սկզբից «հստակ ձևերի և գույների» փիլիսոփայությունն է:   ASA SELECTION հավաքածուները ներկայացնում են ժամանակակից դիզայն խոհանոցային և կենցաղային ապրանքների համար: Սպասքի և տան պարագաների մեծ մասը ձեռքով են պատրաստվում ճենապակու և կերամիկայի գործարաններում: Սա նշանակում է, որ գրեթե յուրաքանչյուր դետալ անթերի ձեռքի աշխատանք է: Հենց այսպես են ստեղծվում բնավորությամբ և անհատականությամբ ապրանքներ։ Այս բրենդը բազմիցս արժանացել է միջազգային մրցանակների։ Հրաշալի դիզայնի համար պարգևներից բացի, հատկապես հպարտանալու առիթ է GERMAN BRAND AWARD 2022-ը, որը շնորհվել է Գերմանիայում ապրանքանիշի հաջող կառավարման համար:

Tiseco-ն հիմնադրվել է Բելգիայի Արևմտյան Ֆլանդրիա նահանգում, որն ամբողջ աշխարհում հայտնի է իր արհեստագործությամբ և բարձր մակարդակով: Սա այն վայրն է, որտեղ Tiseco-ն նախագծում, զարգացնում և արտադրում է տեքստիլներ սկսած 1946 թվականից: Ընկերությունն իր գործունեությունը սկսել է որպես թաշկինակներ արտադրող, սակայն տարիների ընթացքում այն ընդլայնել է իր տեսականին խոհանոցի, մահճակալի և լոգանքի գործվածքների հավաքածուներով, ինչպես նաև ինտերիերի ձևավորման համար նախատեսված մի շարք պարագաներով: Այս աճը ստիպում է ստեղծել ընկերության ամենակարևոր ապրանքանիշերը, ինչպիսիք են Tiseco Home Studio, ZICZAC : Այս ապրանքանիշերն այժմ գտնվում են նաև միջազգային շուկաներում, ներառյալ ամբողջ Հյուսիսային Ամերիկան և Ճապոնիան։ Ընկերության ուշադրությունը մինչ այժմ մնում է տնային տեքստիլի վրա: Մեր խանութ-սրահները Հայաստանում պաշտոնական ներկայացուցիչ են:

Իր երկարամյա պատմության ընթացքում Vista Alegre բրենդը միշտ սերտորեն կապված է եղել պորտուգալական պատմության և մշակույթի հետ՝ մեծ ճանաչում նվաճելով ամբողջ աշխարհում: 1824թ. հիմնադրված Վիստա Ալեգրի (Vista Alegre) գործարանը առաջին արդյունաբերական ընկերությունն էր Պորտուգալիայում, որը զբաղվում էր ճենապակու արտադրությամբ: Ընկերության հիմնադիրն էր հայտնի ձեռնարկատեր Հոսե Ֆերեյրո Պինտո Բաստոն: Գործարանը սկսեց արտադրել ապակյա սպասք, խեցեղեն, ռելիեֆային ձևավորմամբ իրեր՝ փորագրված նախշերով և ձևավոր մեդալիոններով: Ընդունելով որակի առումով թելադրվող խստությունը, նրբագեղությունը և ունիվերսալությունը՝ Vista Alegre-ն կարողացավ ներդաշնակորեն համադրել ավանդականը և ժանամակակիցը: Տարածելով պորտուգալական արվեստը ամբողջ աշխարհով մեկ, Vista Alegre ապրանքանիշը արտացոլում է ամենավերջին միտումները դիզայնի ոլորտում: Իրենց արտադրությունը համապատասխանում է որակի և ֆունկցիոնալության ամենաբարձր ստանդարտներին: Եվ պատահական չէ, որ այն հանդիսանում է աշխարհի ամենակարևոր անձանց և հաստատությունների սպասքի մատակարար, ներառյալ Եղիսաբեթ II թագուհին, Իսպանիայի թագավոր Հուան Կարլոսը և Նիդերլանդների թագուհի Բեատրիքսը, ինչպես նաև ԱՄՆ Սպիտակ տունը, Բրազիլիայի և Պորտուգալիայի նախագահական տները, անթիվ դեսպանատներ և ինչպես պետական, այնպես էլ մասնավոր հիմնարկություններ ամբողջ աշխարհով: Vista Alegre-ն համադրելով վաղ մշակության ավանդույթները և ժամանակակից միտումները՝ արտադրում է տարբեր հավաքածուներ՝ համագործակցելով այնպիսի հայտնի միջազգային դիզայներների հետ, ինչպես Քրիստիան Լաքրուան (Christian Lacroix), Քարստեն Գոլնիկը (Carsten Gollnick), Սեմ Բարոնը (Sam Baron), Կարմ Ռաշիդը (Karim Rashid), Ջոանա Վասքոնսելոսը (Joana Vasconcelos), Ռոբերտո Չիչորրոն (Roberto Chichorro) և այլոք: